- Den nye tobakkslova er forkasteleg

Frå og med i dag blir det slutt på at du kan sjå røyk, snus og andre tobakksvarer stå framme i bensinstasjonar og butikkar.

Ei ny lov er innført, og dermed skal ingen som kjem inn i ein butikk kunne sjå tobakksvarer av noko slag.

Les meir om den nye tobakkslova.

- Bortimot tragisk

Trygve Fremstad driv ein spesialforretning for tobakk på Gjøvik, og er egentleg unntatt frå lova. Men ettersom han også sel frukt og har tippekasse må han gøyme tobakken.

- Eg må vel skaffe meg ei gardin eller noko liknande som eg kan ta vekk når nokon spør etter ei pipe eller ein lighter.

- Kva tykkjer du om denne lova?

- Eg tykkjer den er forkasteleg, det er bortimot tragisk at det skal kome noko slikt, seier Trygve Fremstad.

Denne videoen er dessverre ikke tilgjengelig. Kontakt oss dersom du har spørsmål.

- Ser ryddigare ut

Like sterke er ikkje reaksjonane blant dei som jobbar på bensinstasjonane.

- Eg tykkjer det er flott, det ser ryddigare ut. Vi har ikkje fått negative attendemeldinger frå kundene, seier Marianne Jonsson på Shell.

Statoil-forhandlar Trond Andreassen har kjøpt seg hyller for 5.000 kroner for å imøtekome den nye lova, men trur likevel ikkje at virkninga blir den heilt store.

- Eg trur ikkje dette kjem til å påverke dei som bruker tobakk.

Og snusaren Lars Vorkinn trur heller ikkje at nye reglar og usynleg tobakk vil føre til at han kuttar ut den daglege prisen.

- Det gjer det vanskelegare for dei som skal selje, men det er ikkje noko problem for meg. Enn så lenge snusar eg uansett.