Den svært omtala vindmølla på Luseter gard i Heidal vart starta i torsdag kveld.
- Etter ei heil natt og ein dag, hadde vindmølla produsert 700 kilowattimar, fortel eigar Erling Luseter.
Strøm til naboane
Vindmølla står 900 meter over havet i Heidal nord i Gudbrandsdalen, og er 30 meter høg.
Vindkraftverket skal i hovudsak gje strøm til garden og hyttene i nabolaget. Overskotskraft vil bli levert på den ordinære kraftmarknaden.
Sikker på suksess
Protestane mot vindmølla har vore både mange og høglytte.
- Men eg er overtydd om at dette blir ein suksess, seier gardbrukar Erling Luseter.
Det var Miljøverndepartementet som til slutt avgjorde at det kunne byggast vindmølle i Heidal.