NRK Meny
Normal

Brann på herskapeleg gard i Østre Toten

Hovudhuset på øvre Sukkestad gard på Lena fekk store skader i ein brann fredag. Brannvesenet jobbar nå med ettersløkking på staden.

Brann Østre Toten

Hovudhuset på øvre Sukkestad stod i full fyr fredag formiddag.

Foto: Jon Harald Gjesdal

– Vi fekk melding om brannen klokka 12.10 i dag og det brenn i andre etasje. Det er også fare for at det skal spreie seg mot loftsetasjen, seier operasjonsleiar Pål Andersen i Vestoppland politidistrikt.

Brannmannskap frå Østre Toten og Gjøvik har nå kontroll over brannen, og jobba klokka 15 med ettersløkking.

Mykje gamle ting

Familien som bur i huset var ikkje heime da brannen starta, og det var heller ikkje andre i huset.

Øvre Sukkestad er ein historisk og herskapeleg gard som ligg eit stykke ovanfor Lena sentrum. Den er mellom anna kjent fordi Marie Wexelsen, som skreiv "Jeg er så glad hver julekveld", budde på garden.

Ifølgje brannvesenet har dei klart å redde ut mange gamle ting frå hovudhuset, men mange bilete skal ha gått tapt.

Årsaka til brannen er foreløpig uviss, og ifølgje politiet var det inga fare for at den skal spreie seg til andre hus på garden.

– Brannvesenet har nå kontroll over brannen, sa operasjonsleiar Andersen til nrk.no klokka 13.45.

Brann Østre Toten

Brannmannskap frå Østre Toten og Gjøvik jobba fredag med å få kontroll over brannen.

Foto: Jon Harald Gjesdal

SISTE NYTT FRA HEDMARK OG OPPLAND

  • Sa nei til pels

    Rundt 100 frammøtte protesterte mot pelsnæringen i Hamar lørdag ettermiddag. Det er 14. året på rad NOAH arrangerer fakkeltog mot pels. Det ble arrangert fakkeltog på 30 steder i hele landet, blant annet i Hamar og Lillehammer.

    Nei til pels fakkeltog hamar
    Foto: Ola Bjørlo Strande / NRK
  • Solbakken årets talent

    HamKams 17 år gamle Markus Solbakken er kåret til årets talent i 2. divisjon. I dag fikk han utdelt premien på 20.000 kroner og en krystallvase. Markus er sønnen til Ståle Solbakken.

  • Politiet fant sau med kjetting

    Politiet har akkurat funnet en sau med kjetting rundt halsen i Myrvangvegen i Stange. Politiet oppfordrer de som tror de kan ha mistet en slik sau om å ta kontakt på telefon.