Kristin Asbjørnsen(Foto: Kari Løvaas.)
Factotum er regissert av Bent Hamer, og filmen er ein norsk-amerikansk produksjon basert på romanen med same namn av Charles Bukowski.
Filmen har premiere den 29. april, men har førpremiere under Trondheim Filmfestival 12. april.
Hollywood-stjernene Matt Dillon, Marisa Tomei og Lili Taylor har hovudrollene i filmen.
Musikk til turbulent liv
Handlinga foregår i Los Angeles, og filmen skildrar Charles Bukowski sitt turbulente liv som forfattar i USA i 70-åra.
Musikken til filmen er altså skrive av Lillehammer-jenta Kristin Asbjørnsen.
Ho er ei dame med mange jern i elden. I tillegg til å skrive filmmusikken til Factotum, er ho fronfigur og skriv songar for gruppa Dadafon.
Dadafon medverkar musikalsk
Og nettopp Dadafon speler på blant anna hovudtema i Factotum, som heiter Slow Day. Teksten er av forfattaren Charles Bukowski.
For tida spelar Asbjørnsen inn nytt album med Dadafon, som kjem ut i august.
Kristin Asbjørnsen er også med i trioen Krøyt, som blant anna har vunne spelemannspris.