Det var i 2007 at 22-åringen vart stoppa ved Svullrya i Grue med bilen stappfull av hasj. Han var leigd inn for å frakte hasjen inn i landet, men kom altså ikkje lenger enn til svenskegrensa.
I Oslo tingrett vart han dømt til i alt fire års fengsel, men halvparten av fengselsstraffa er gjort betinga, skriv Gudbrandsdølen Dagningen.
Fem andre personar er også dømt i saka, den påståtte hovudmannen er dømt til 11 års fengsel.
Ottamann framleis på rømmen
Ein 41 år gammal mann frå Otta er også sikta i saka, men han er framleis på frifot.
Han er også sikta for å vere hovudmannen bak eit brutalt ran på Otta i 2008. Ein bedriftseigar, sambuaren hans og hennar dotter vart teke som gissel, truga og rana.
Det var truleg to austeuropearar som utførte ranet, men 41-åringen frå Otta skal vere hjernen bak.
Han rømte truleg frå landet etter ranet, og politiet trur han er i Thailand.
