Dersom dei ikkje aukar prisane er dei redd dei må kutte i busstilbodet.
10 millionar i ekstrautgifter
Bussane i Hedmark bruker omlag 3,6 millionar liter diesel i året. Den kraftige prisauka dei siste månadane betyr omlag 10 millionar kroner i ekstrautgifter for Hedmark Trafikk.
Dermed må noko gjerast.
Gunnar Jacobsen i Hedmark Trafikk ser seg tvinga til å auke prisane.
Foto: Bjørn Anders Sørli / NRK- Vi har to moglegheiter. Anten må vi kutte ruter eller så må vi auke takstane, seier direktør i Hedmark Trafikk, Gunnar Jacobsen.
Han ser helst at dei går for den sistnemnte løysinga, og ser for seg at billettprisane kan bli auka med omlag 10 prosent.
- Paradoks
Gunnar Jacobsen innrømmer at det er eit paradoks at regjeringa ynskjer å få fleire til å bruke kollektivt, samtidig som dei må auke prisane for å få endane til å møtatst.
- Det er ein mismatch, og det må vi leve med. Men det er ingen tvil om at løyvingane frå sentrale hald burde vore auka, seier Gunnar Jacobsen.
