Lars Berger (Foto: Tone Merete Tho / NRK)
Ski og stavar er bytta ut med lommetørkle for lesjingen Lars Berger.
25-åringen som vart kåra til den nest-beste skiskyttaren i verda i fjor, skulle i år også hevde seg blant langrennseliten.
I form
Det knytta seg stor spenning til Berger som for to veker sidan slo den norske langrennseliten på Beitostølen, men det er nå klart at han ikkje startar mot resten av verdseliten i Kuusamo.
-Det er veldig synd at han ikkje får vist seg fram med tanke på å gå i ski-VM seinare i vinter, seier sportssjef Bjørnar Håkensmoen til NRK Sporten.
Heime på Lesja
Friteknikk-spesialisten Berger reiste reiste ikkje saman med resten av landslaget til Kuusamo torsdag, og går dermed glipp av 15 kilometeren laurdag. I staden er han heime på Lesja for å bli frisk.
I tillegg til Lars Berger, har Frode Estil meldt sjukdomsforfall til renna i Kuusamo.