– Heile Noregs Miljø-Ola har hatt den største satsinga på fornybar energi nokon gong, sa Liv Signe Navarsete om sin SP-kollega og Olje og Energiminister Ola Borten Moe.
Kommentaren skapte både undring og reaksjonar på Twitter.
Sjølv om Miljø-Ola-sitatet til Navarsete kanskje stikk av med sigeren for mest minneverdig sitat etter kveldens partileiardebatt, vil ikkje NRKs valekspert Anders Jupskås peike ut nokon vinnar av dagens partileiardebatt.
– MDG imponerte
JAMT: Anders Jupskås vil ikkje kåre nokon vinnar av debatten, men er imponert over Miljøpartiet De Grønne.
Foto: Siv Sandvik / NRK– Eg er eigentleg litt motstandar av å snakke om debattar i idrettsmetaforar, difor vil eg ikkje seie at nokon vann eller tapte, seier Jupskås, som meiner alle dei store partia generelt kom godt ut av debatten.
– Det overordna inntrykket av debatten var at veldig mange snakka veldig godt til sine eigne veljargrupper. Tidlegare har det vore lett å kåre taparar, men det var jamt i dag, seier han.
I Twittersfæren var engasjementet stort, og meiningane delte.
– Klarte å halde seg visjonær
Jupskås meiner at Miljøpartiet De Grønne (MDG) og Raudt si deltaking gjorde debatten frisk.
– MDG og Rødt har litt mindre rutinerte partileiarar, dei klarte seg godt og brakte nye perspektiv inn i debatten, seier Jupskås.
– Dei gjorde det litt meir uoversiktelig enn det kunne vore, det var morosamt, seier Jupskås, og får støtte frå @skribente på Twitter:
– Særleg blei eg imponert av Hanna Marcussen i Miljøpartiet De Grønne, som ikkje fall i fella då ho blei utfordra med detaljar. Ho heldt seg på eit visjonært og ideologisk plan der dei andre, store partia slår kvarandre i hel med tal og statistikkar, seier Jupskås.
– Har sett Stoltenberg betre
Sjølv om Jupskås ikkje vil kåre verken ein vinnar eller tapar, seier han likevel at han har sett Stoltenberg i betre form enn i kveld.
– Dei store partia var veldig jamne, men eg må seie Stoltenberg har vore meir i slaget tidlegare, seier Jupskås, og legg til at debatten generelt var ryddig og utan store sleivspark.
Saka held fram under videoen
Jens Stoltenberg er klar for å regjere alene
Ingen skitten debatt
– Det var ymt til skremselspropaganda, Audun Lysbakken hadde ein tirade mot høgresida, Jens Stoltenberg kallte det for kaos, men elles var det ganske lite av dette, seier han.
– Det var ingen skitten debatt, og mykje fokus på saker, held han fram.
Han seier det er mogleg at partileiardebatten har innverknad på veljarar som enno ikkje har bestemt seg.
– Denne debatten er hovudsakleg ein preken for dei allereie frelste, men det er fullt mogleg med påverknad gjennom den siste appellen, seier han.
– Det er bare i hodet til Jens det er kaos
