To omkom i flystyrt

Sandane Lufthamn

Sandane Lufthamn

Det var den 50 år gamle Jan Magne Waldahl og den 65 år gamle Egil Sæbbø som omkom i flystyrten i går kveld.

Har overlevd tre flystyrtar før

Sæbbø som var passasjer i ulukkesflyet, har tidlegare overlevd tre flyhavari. Mellom anna var han pilot på sjøflyet som havarerte i Geirangerfjorden i 1998, der fire tyske turistar omkom. Sæbbø og Waldahl var også saman i eit sjøfly som styrta i fjorden ved Vereide på 80-talet.

Småflyet styrta ved Sandane Lufthamn på Anda like før klokka halv ni i går kveld. Flyet styrta berre 100 meter unna flyplassen. Ulukka skjedde like før klokka halv ni i går kveld, og flyet vart lokalisert i sjøen ti minutt seinare. Småflyet skal ha styrta på land heilt i sjøkanten, og sidan delvis hamna i sjøen.

Rutinerte flygarar

Dei to som var ombord, var svært rutinerte pilotar, som også har drive yrkesflyging. Då ulukka skjedde, dreiv dei med lågtflyging i området rundt Anda. Flyginga skjedde i eit heimebygd fly av typen Falco.

Det var vrakrestar både på land og i fjorden. Dei to omkomne vart tekne til land av leitemannskap, som òg dykka i fjorden utover torsdag kveld for å hente opp vrakrestar.

Flyhavarikomisjonen kjem i ettermiddag til Sandane for å prøve å finne årsaka til flyulukka i går.

Lyd og video

Det lokale brannvesenet får skarp kritikk etter brannane i Lærdal og Gudvangatunnelen. Direktoratet for samfunnstryggleik og beredskap meiner dei ikkje var organisert for leia og handtera det heile. Men konklusjonen til direktoratet møter motstand i Lærdal.
Cruisenæringa har ført til protestar frå lokalbefolkinga i Flåm.
Den svenske bussjåføren som i Sogn tingrett blei dømt for aktlaust bildrap etter Fardalulykka - har fått avvist anken sin.
Anken blei avvist fordi bussjåføren ikkje sendte inn korrekte dokument i tide - og dermed kan dommen på 5 månaders fengsel bli ståande.