Store innsparingar etter Kvivsvegen

– Opninga av Kvivsvegen er noko av det største som har skjedd Thor Tenden Transport, seier dagleg leiar Rolf Olav Tenden.

Den etterlengta vegen opna i slutten av september og knyter saman Sogn og Fjordane og Møre og Romsdal på ein ny måte. Mellom anna har E39 blitt ferjefri frå Lote i Sogn og Fjordane til Festøya i Møre og Romsdal.

1400 kroner per tur

Dette sparer transportbedrifta i Stryn store summar på, om lag 300 000 kroner i året.

– Vi har faste avtaler og ruter i Volda/Ørsta-området. Når eg ser innsparingane i forhold til Stigedalen og ferje, så sparer vi 1400 kroner per tur. På eit år blir dette om lag 300 000 kroner i året.

• LES OGSÅ: Overraska over gode Kvivental
• LES OGSÅ: Godt besøkt strynemesse

Trur på større marknad

Tenden seier dette betyr mykje for transportselskapet og samanliknar opninga av Kvivsvegen med då Strynefjellsvegen blei heilårsveg. No trur han på ein større marknad å åra framover.

– Vi har ikkje lagt om transportrutene våre førebels, men eg ser det som ei naturleg utvikling i konkurranse med Ålesund-distriktet. I løpet av eitt eller to år vil dette auke veldig, seier Tenden.

• LES OGSÅ: Rush av Nordfjord-fødslar i Volda
• LES OGSÅ: Folkefest då Kvivsvegen opna