Solberg fekk i dag spørsmål i spørjetimen i Stortinget frå SV-politikar Audun Lysbakken.
– Miljøekspertane viser at eit gruvedeponi kan ha vesentleg negativ effekt på truede arter og heile økosystemet i fjorden. Dette er ei sak som kjem på regjeringa sitt bord, og det er stor lokal motstand, starta Lysbakken sitt innlegg.
UNDRA SEG: I Stortinget sin spørjetime i dag spurte SV-politikar Audun Lysbakken om Erna Solberg vil dra til Vevring.
Foto: Varfjell, Fredrik / NTB scanpixHan fortalde at han sjølv besøkte Vevring tidlegare i år, og at han møtte lokalbefolkninga, fiskeoppdrettarar og gruvemotstandarar da han var der. Så kom spørsmålet:
– Kan statsministeren love at også ho vil dra til Sunnfjord og møte lokalbefolkninga sine eigne ekspertar og dei som lever av fjorden, før regjeringa tar si avgjerd?
- LES OGSÅ:
Miljøverndepartementet sin jobb
Tema i dagens spørjetime var skogvern, noko som fekk stortingspresident Olemic Thommessen til å understreke at spørsmålet var litt på sida av det som var tema for spørjetimen.
Statsministeren skulle likevel få svare på spørsmålet frå Lysbakken.
Ho har ikkje nokre planar om å gjere det same som SV-politikaren.
– Dette er ei enkeltsak som skal kome til behandling i Miljøverndepartementet, etter dei ulike innspela og utgreiingane som har kome, svara Solberg, før ho heldt fram:
– Eg synst det er veldig feil viss eg skal kommentere ei enkeltsak og ei enkeltbehandling frå Stortinget sin talestol. Men om akkurat eg skal gå inn i ei saksbehandling som ligg under det konstitusjonelle ansvaret til klima- og miljøministeren, det trur eg ikkje at eg skal love vekk.
- LES OGSÅ: