Fleire eldpåsetjingar i Olden er oppklara. - FLEIRE TILFELLE: Både eit rastebord og bordkledningen til ei leikehytte og ballbingen hadde svimerke etter ungdomane sin leik med flammar og bensin. - Foto: Politiet /

FLEIRE TILFELLE: Både eit rastebord og bordkledningen til ei leikehytte og ballbingen hadde svimerke etter ungdomane sin leik med flammar og bensin.

Foto: Politiet

Leika seg med bensin og flammar

Ungdomar har erkjent å fleire tilfelle av eldspåsetjing. Mellom anna ved hjelp av bensin under tak ved Olden skule.

Politiet har oppklara dei fire eldspåsetjingane ved Olden skule i påska.

I same renna vedgjekk elevane fleire tilfelle av eldspåsetjingar enn dei fire hendingane som politiet etterforska.

– Elevane erkjente å ha brukt bensin for å tenne på båla. Ungdomen gir uttrykk for at dei har skjønt alvoret i saka, seier politiførstebetjent Vidar Stavik til avisa Fjordingen.

Tende på bord

Både politi og rektor ved skulen såg alvorleg på det som skjedde i påska.

Då vart det sett fyr i ein bossdunk, svidd på bordkledningen til ein ballbinge og ei leikehytte, samt sett fyr på eit rastebord under takoverbygget ved inngangsdøra til skulen.

– Dersom det viser seg at elevar ved skulen står bak, har både skulen og foreldra ei oppgåve framføre seg, sa rektor Reidar Bruland og då prisar seg lukkeleg over at flammane ikkje tok tak.

No har altså fleire elevar ved skulen, saman med foreldre, vore inne til avhøyr.

Lagt vekk

Lensmann i Stryn, Robert Hjelmeseth, seier til NRK.no at saka, sidan dei involverte er under den kriminelle lågalder, ikkje er noko sak for påtalemakta. Difor innstiller politiet på å legge vekk saka, men barnevernet er rutinemessig varsla.

Rektor Bruland seier til avisa at skulen vil følgje opp saka i form av samtalar med dei involverte elevane. Politiet vil kommande veke besøke skulen for å orientere kvar einskild klasse.

– All uvettig bruk av flammar har farepotensial, så ein skal ikkje bagatellisere alvoret i saka, seier lensmann Robert Hjelmeseth til NRK.no.

503 Service Unavailable

Error 503 Service Unavailable

Service Unavailable

Guru Meditation:

XID: 594324925


Varnish cache server

Kvar er dette?

Kvar er dette - Foto: Merete Husmo Høidal / NRK
Foto: Merete Husmo Høidal / NRK

Veit du kvar dette er? Du kan vinne Flax-lodd

Høyr sendingane våre

Gro Ravnestad - Foto: Arne Stubhaug / NRK
Foto: Arne Stubhaug / NRK

Høyr alt vi sender - direkte og i opptak

Vestlandsrevyen

Vestlandsrevyen - Foto: Marit Hommedal / Scanpix
Foto: Marit Hommedal / Scanpix

Sjå Vestlandsrevyen her