Vegtrafikksentralen fekk melding om utforkøyringa ved 04.30-tida natt til tysdag. Politiet har tysdag morgon ikkje fått melding om uhellet, og det er truleg ikkje snakk om personskade.
Den norskregistrerte semitraileren vart liggjande godt planta ute i grøfta, og har ikkje vore til hinder for anna trafikk.
Like før klokka 07 er bilberging på plass. Det er ein del jobb som må gjerast før ein kan starte med sjølve bergingsjobben. Ei gravemaskin er mellom anna kome til staden og reinskar opp grøfta.
Semitraileren ligg ute i ei myr, og ein må leggje pukk i grøfta for at bilbergingsbilen skal kome til. Like over klokka 08 jobbar ein framleis med forarbeidet for sjølve bergingsjobben.
I samband med at bilen skal bli berga må vegen stengje. Dette vil ta tid, og det er då krav om at politiet skal vere på plass for å dirigere trafikken. Politiet opplyser klokka 10.20 at dei truleg vil ha ei patrulje på plass rundt klokka 12.
SJÅ OPPDATERTE VEGMELDINGAR HER