Ho har fått mandat frå soknerådet om å vurdere å prise ein del av tenestene kyrkja gir. Ho har fått innspel om at det bør bli aktuelt å betale for dåp, konfirmasjon, bryllaup og gravferd.
– Det er ikkje noko hyggeleg å tenke på brukarbetaling, men vi er nøydde til å ta debatten. For alle kyrkjelege hendingar kostar, og spørsmålet er korleis vi skal dekke det inn, seier Anne Gry Fløien.
I dag må du betale dersom du gifter deg i ei anna kyrkje enn den du soknar til, medan det er gratis i di lokale kyrkje.
- LES OGSÅ:
Kulturminister Thorild Widwey seier til Vårt Land at ho ikkje vil seie korleis ho meiner kyrkja skal finansierast i framtida, men i eit notat har regjeringa reist spørsmålet om medlemsfinansiering, i tillegg til statlege og kommunale pengar.
Ho seier det inntil vidare er ansvaret til kvar einskild kommune å løyve nok pengar til at kyrkjelydane kan utføre oppgåvene sine.