Høgre-Nødseth fekk flest stryk

Høgreveljarane i fylket endra mest på vallistene ved Stortingsvalet i år.

Jacob Nødseth

Jacob Nødseth (H) fekk prosentvis flest stryk av alle politikarane på listene til haustens stortingsval.

Foto: Brit Jorunn Svanes / NRK

Og størst prosentvis stryk fekk andrekandidat Jacob Nødseth. I alt 225 personar sette strek over namnet hans. Det er nær 3,2 prosent av dei som stemde på Høgre.

- Det tykkjer eg er svært godt å leve med, seier høgrepolitikaren frå Flora.

- Vågar å meine

Til samanlikning hadde kring 260 personar stroke Ingrid Heggø og Tor Bremer på Ap-lista. Det blir berre 1,5 prosent av veljarane til partiet. Liv Signe Navarsete hadde berrre 59 strykningar. Senterpartiveljarane var dei som brukte retteblyanten minst.

- Vi har politikarar som ikkje vågar å seie noko, mellom anna av frykt for å bli strokne. Eg er ein politikar som, slik eg sjølv vurderer det, vågar å meine noko og står for det eg seier, legg Nødseth til.

Få nytta retten

Veljarane har høve til å stryke namn på stortingslistene, og dei kan flytte personar opp og ned på lista. I alt var det her i fylket 5 422 veljarar som gjorde det ved årets stortingsval. Det er ifølgje Knut Henning Grepstad, sekretær for fylkesval-styret, eit veldig lite tal.

- Eg meiner at det ikkje er mogleg å sjå noko politisk tendens, eller eigentleg noko konsekvensar i det heile, av dette, seier han.

Over halva må stryke

Høgreveljarane var dei "mest aktive" til å nytte denne retten med 13,5 prosent. Kring 11 prosent av venstreveljarane og Frp-veljarane retta på lista, menda åtte-ni prosent av veljarane frå SV, KrF og Ap nytta blyanten. Berre vel seks prosent av senterpartiveljarane fann grunn til å endre på lista.

Berre for å nemne det, halva av dei som stemmer på eit parti, må stryke eller endre ein kandidat om det skal ha noko betydning.

Vik fengsel markerte i dag at det er 150 år sidan dei opna dørene. Men bursdagsgåva fengselssjefen har mest lyst på, let framleis vente på seg.
Det enorme datasenteret i Lefdal gruve i Nordfjord BLIR no bygd. Dei første såkalla server-parkane skal stå klare til neste år. Det er venta at prosjektet vil gje over 100 nye arbeidsplassar.
Opera, lokalprodusert gourmetmat og naturopplevingar er stikkorda for den splitter nye operafestivalen på Åmot Operagard.