Innsendt av Anna Bjørnereim frå Byrkjelo
Det er lyst ut til matkonkurranse
av råstoff frå hjort som rundt i skogen danse.
Hjortekjøt i gryte og hjortekjøt på fat!
Og mest er det snakk om "gourmetmat"
med marinade og krydder og dikkedarer
og pynt og staffasje både her og der.
Eg sender mitt forslag på heilnorsk mat,
servert som pinnekjøt enkelt på fat.
Hjorten den har sider to
hogg frå ryggen og salt ribbene so
med blanding av smørsalt, sukker og knuste einebær,
kjenner du dufta av storskogen her.
Tørke so ribbene på pinnekjøt vis
med frisk hauststorm og vind og bris.
So dampar du ribbene og lagar til fest.
Bjørkepinnar i gryta smakar no best.
Poteter og kålrotstappe på Vestlandsk maner
og sjølvsagt ei skål med rørte tytebær.
Kan du noko betre festmat få ?
Dette smakar nok både store og små.