I helga har det vore større forbruk av vatn enn reinseanlegga klarte å halde tritt med, og på Vangsnes har innbyggjarane vore utan vatn.
– Vi må få forbruket ned, seier Per Martin Berglund, teknisk sjef i Vik kommune.
Fornuft
Dersom det blir ein tørr sommar, er Berglund redd at stader i kommunen kan verte utan vatn – igjen.
– Vi ber innbyggjarane på Vangsnes om å bruke vatnet med fornuft. Kutt ned på hagevasking og bilvask, oppmodar han.
Berglund seier dei førebels har nok vatn, men han fryktar ein tørr sommar.
– Viss ein er litt varsom med bruk av vatn, skal vi klare å halde produksjonen oppe ei stund framover. Men om det blir ein tørr sommar med lite nedbør i fjellet, kan vi få eit problem, seier han.