Fann mann død ombord i båt

Ein mann i 70-åra vart onsdag føremiddag funnen omkomen om bord i ein båt ved Stabben vest for Florø.

– Vi fekk melding klokka 09.58 om at ein båt gjekk i ring ved området ved Stabben og Nekkøyosen. Vi sende ut ambulansebåt, brannvesen og politi, opplyser operasjonsleiar Per Rimmen til NRK.no.

Vitnet som meldte om båten greidde å komme seg inntil båten og fekk stoppa denne. Då oppdaga han også ein livlaus person om bord.

– Det gjekk litt tid før vi fekk lege på staden, men det vart sett i gang hjarte- og lungeredning med ein gong. Livet stod ikkje til å redde, seier Rimmen.

Den omkomne er ein mann i 70-åra. Politiet mistenkjer ikkje noko kriminelt i saka. Mannen skal ha vore åleine ombod i båten.

Vik fengsel markerte i dag at det er 150 år sidan dei opna dørene. Men bursdagsgåva fengselssjefen har mest lyst på, let framleis vente på seg.
Det enorme datasenteret i Lefdal gruve i Nordfjord BLIR no bygd. Dei første såkalla server-parkane skal stå klare til neste år. Det er venta at prosjektet vil gje over 100 nye arbeidsplassar.
Opera, lokalprodusert gourmetmat og naturopplevingar er stikkorda for den splitter nye operafestivalen på Åmot Operagard.