Et halvår før Bok- og blueshuset skal opne, er det hektisk aktivitet på byggeplassen. Nede ved vasskanten har skalet reist seg, og kultursjef Terje Malm likar det han ser.
– Vi syns det ser heilt fantastisk ut og vi gler oss til å flytte inn, seier kultursjef Terje Malm.
Les også:
Starten på ein ny bydel
Bok- og blueshuset skal ha både bibliotek, kulturskue, kino, konsertscene, kafe, turistinformasjon og eit eige bluesmuseum.
Huset byggast på den gamle jernverkstomta og skal koste dryge 160 millionar kroner.
– Dette er starten på ein ny bydel i Notodden. Dette er den beste tomta byen, med utsikt over Heddalsvatnet, legg Malm til.
Opning i desember
Planen er at bygget skal stå ferdig i desember. Det er mykje arbeid som gjenstår inne før opninga, fortel prosjektleiar Olav Berget.
– Vi skal gjere ferdig alle etasjane oppover, og i tillegg er det planting og alt det som skje ute, forklarar Berget.
Prosjektleiaren forsikrar at huset vil bli ferdig i tide til opninga i desember.