– Han aksepterte at det skjer ved ei såkalla kontorforretning, altså at dommaren avgjer spørsmålet ut ifrå saksdokument, utan at min klient er tilstades i retten, seier advokat Sveinung Søndervik Johnsen til NRK.no.
Det var 5. juli at 21-åringen knivstakk og drepte ein 22 år gammal mann i Mandal sentrum.
Den sikta mannen skal ha vore rusa, og hevdar at han ikkje hugsar noko frå drapshandlinga. Men han erkjenner at han står bak drapet.
– Når det gjeld sjølve knivstikkinga hugsar han ikkje noko av det. Han hugsar kva som har skjedd før og kva som har skjedd rett etter. Men han har total blackout frå tidsrommet der det fatale skjer, sa Søndervik Johnsen dagen etter at drapet fann stad.