– Dei er arrestert med hjemmel i utlendingslova og mistanke om straffbare forhold, seier operasjonsleiar ved Agder politidistrikt, Bård Austad til NRK.no.
- LES OGSÅ: Skal stoppe kriminelle MC-klubbar
- LES OGSÅ: Holder vakt før Hells Angels-fest
Dei åtte medlemmene var på veg til ein Hells Angels-fest på Jæren, men politiet hanka dei inn då dei kom med danskeferja til Kristiansand.
Sit i arresten
– Dei sit no i arresten i Kristiansand. Arrestasjonane føregjekk utan dramatikk, seier Austad.
Årsaka er at politiet ikkje ynskjer å ha dei i landet. Dei åtte Hells Angels vert difor sende tilbake til Danmark i dag.
- LES OGSÅ: – Ikkje bruk skattepengane på dette
- LES OGSÅ: Hells Angels fester grepet om Norge
Dei siste vekene har fleire norske kommunar teke standpunkt mot etablering av kriminelle MC-klubbar. Mandal kommune har signalisert at dei vil bruke «alle lovlege middel» for å hindre at klubbar får etablere seg.
Nektar å sleppe inn
For kort tid sidan gjekk rockefestivalen Norway Rock Festival inn for å nekte folk med klede eller merker som utrykkjer støtte til kriminelle MC-klubbar, å sleppe inn på årets festival.
- LES OGSÅ: Slik skal MC-klubbane nedkjempast
- LES OGSÅ: HA planlegg storstilt treff
For kort tid sidan var ei rekkje norske kommunar samla i Danmark for å lære korleis danskane jobbar mot kriminelle MC-klubbar. Der gjekk ei av hovudlinjene på dialog.
– Vi skal ikkje gå i dialog med desse klubbane. Den einaste dialogen vi har med dei skjer i rettssalen, sa politistasjonssjef i Kristiansand, Ole Hortemo til NRK.no.
