Familien søkte tilflukt måndag denne veka, og vil ikkje reise før utlendingsnemnda har behandla ei anke om å få bli i landet.
LES OGSÅ: Håper i det lengste
Rafoss opplyser at nemnda ikkje har fått papira endå. Det er årsaka til at det kan ta fleire veker.
Har søkt asyl
Familien Prelevic stakk av før politiet kom og henta dei laurdag. Dei kom til Noreg i slutten av desember i fjor.
– Vi visste ikkje kva vi skulle gjere. Det var ein veldig vanskeleg dag for oss. Dei lette etter oss og gjekk i husa til venene våre for å finne oss, s Vera Prelevic til NRK.no tidlegare denne veka.
LES OGSÅ: Serbere i kirkeasyl
Biskopen i Agder og Telemark, Olav Skjevesland har tidlegare vore kritisk til at familien skal bli sittjande lenge i kyrkjeasyl.
Hevdar dei vert forfulgt
– Dette er inga ordning, men dette er rett og slett ei moglegheit som menneske har til å kunne tenkje over situasjonen, seier han til NRK.no.
– Vi har i kyrkja etterkvart lært at asylet har sider som i lengda er ganske slitsomme, så det er ikkje sikkert det er så gunstig. Men som sagt, det er ei moglegheit for folk til å setje seg ned i ei kyrkje og tenkje over situasjonen sin, og det er vel det asylet er meint som, legg han til.
Familien i Flekkefjord meiner dei har dokumentasjon på at dei er forfulgt i Kosovo. Dei har bede NOAS om å ta kontakt med Utlendingsnemnda for å få vurdert saka si på nytt. Inntil nemnda tek ei ny avgjerd er familien innstilt på å vere i kyrkjeasyl.
Største aksjon i Noreg
Det var førre laurdag at politiet pågreip over 70 personar på fleire asylmottak rundt i heile Noreg, og vart sende heim med fly til Serbia.
Uttransporteringa var den nest største i politiet si historie.
LES OGSÅ: 71 serbere sendt ut av Norge
– Dei uttransporterte er etniske serbarar som har fått avslag på asylsøknadene, og som ikkje har returnert til heimlandet innan utreisefristen, stod det i pressemeldinga frå PU.
Frp: – Hent dei ut
Tidlegare har innvandringspolitisk talsmann, Per Willy Amundsen, frå Framstegspartiet bede politiet gå inn i kyrkja å hente ein kosovoserbisk familie som har gått i kyrkjeasyl i Rognan i Nordland.
LES OGSÅ: Vil hente ut asylsøkere i kirkeasyl
– Det er ikkje noko grunn til at politiet skal la vere å hente ut personar som sit i kyrkjeasyl, seier han.