– Det er cirka 20 personar som har influensaliknande symptom, og som vert fulgt opp av helsetenesta etter dei retningslinene som gjeld. Eg veit at helsetenesta har nær kontakt med folkehelseinstituttet og får faglege råd, seier fylkeslege i Sogn og Fjordane, Petter Øgar til NRK Sørlandet.
1700 deltakarar
4H-leiren føregår på Breim i Gloppen kommune i Sogn og Fjordane. Dei 20 personane som skal vere smitta er frakta ut av leiren på isolat. Under transporten brukte både sjåførar og ungdommar munnbind.
LES OGSÅ:
Totalt er det over 1700 deltakarar på 4H-leiren frå 15 ulike nasjonar.
Fylkeslegen veit ikkje noko om tilstanden til den 14 år gamle jenta som er frakta til sjukehus.
– Inga oversikt
– Det har eg inga oversikt over, seier han.
– Det vi veit at det truleg er ein ungdom frå Sørlandet som har brakt smitta inn i leiren, og det ser ut til å ha breidd seg. Per no antar vi at 20 personar er smitta med svineinfluensa, seier Øgar.
Fredag kveld har helsetenesta site i møter med 4H-leiarane.
– Helsetenesta handterer dette slik nasjonale styresmakter ynskjer vi skal gjere det. Vi veit også at ingen av dei som har blitt sjuke så langt er blitt alvorgleg sjuke. Nokon er allereie betre og feberfrie, seier han.
Det er oppretta ein beredskapstelefon som pårørande kan ringe. Tlf.nr. hit er 57 86 83 15.
