Desse toppar Ap i Vest-Agder

Det vart klart under nominasjonsmøtet på Buen i Mandal laurdag.

Henriksen har site ein periode på Stortinget.

– Den einaste utfordringa er å bli det største partiet og dermed få to på Stortinget, sa Henriksen i takketala.

Fokus på Høgre

Ho minna om at kvar stemme tel, og viste til valet i 2005 då Frp fekk 19 stemmer fleire enn Arbeiderpartiet. Det gjorde at Frp fekk to stortingsrepresentantar, medan Ap berre fekk ein.

– Det er i hovudsak Høgre vi må ha fokus retta mot framover. Den aller viktigaste saka er trygg økonomisk styring, her som i andre regionar, seier ho.

– Vi har mange som slit på arbeidsmarknaden og har låge inntekter, spesielt i indre bygder. Dessutan må vi gi samferdsle eit løft og sikre finansiering av universitetet i løpet av neste fireårsperiode, seier ho.

Vil sikre to representantar

Odd Omland har planen klar.

– Oppgåve nummer ein blir å få to på tinget frå fylket vårt. Dersom vi klarar det trur eg nok også vi sikrar ei regjering med Stoltenberg i spissen, seier han.

– Vi må trekkje fram det som skjer i kommunane, eg trur barnehage og skule blir viktige saker, seier han.

Linda Verdal frå Mandal ligg på tredjeplass på lista, deretter følgjer Trond Blattmann og Jannike Arnesen, begge frå Kristiansand.