Opp mot 220 grisar blei redda ut av den brennande driftsbygningen.
– Me har nå kontroll over flammane og det er ikkje fare for at brannen skal spreia seg, seier Per Halvorsen, brigadesjef i Brannvesenet Sør-Rogaland i 20.30-tida i kveld.
Femte grishusbrannen
Store brannmannskap frå brannstasjonane på Klepp, Bryne og Sandnes blei sendt ut til Løge då brannalarmen gjekk litt før klokka 19 i kveld. Totalt 30 mann og åtte brannbilar deltok i sløkkearbeidet.
Dette er den femte grishusbrannen på mindre enn eitt år i Rogaland.
– Dette er eit høgt tal, seier brannsjef i brannvesenet i Sør-Rogaland, Egil Øverland.
Ukjent brannårsak
Ofte er det feil med dei elektriske anlegga som er årsaka til brannane i grishusa.
– Saman med Mattilsynet, Arbeidstilsynet og Elverket har me lagt ned mykje arbeid i å utføra tilsyn med grishusa. Dessverre hjelper ikkje det alltid, seier brannsjefen.
Årsaka til brannen i Time i kveld er førebels ikkje kjent.
– Det er altfor tidleg å seia noko om brannårsaka nå, seier brigadesjef Halvorsen.
Les om to av dei tidlegare grishusbrannane her:
Grishuset kjem til å bli heilt nedbrent i Time i Rogaland.
Foto: Magnar Larsen
