Nytt Statoil-funn i Nordsjøen

Funnet i Nordsjøen er det åttande såkalla «high impact», eller svært viktige, funnet Statoil har gjort dei siste 15 månadene.

Denne gongen er det saman med det franske oljeselskapet Total dei gjer gassfunn i det King Lear-prospektet, som ligg sør i Nordsjøen.

• Les òg: Norge øker leteaktiviteten i Barentshavet
• Les òg: Statoil har fått 26 lisenser i Mexicogolfen

På storleiken til Kristin-feltet

– Statoil har tidlegare definert King Lear som eit prospekt med stort potensial. Boreresultata bekreftar våre forventningar og viser igjen at norsk sokkel leverer fat av høg verdi, seier Gro Gunleiksrud Haatvedt, leitedirektør for norsk sokkel i Statoil.

Dei går ut frå at funnet inneheld mellom 70 og 200 millionar fat utvinnbare oljeekvivalentar.

Til samanlikning er dette omtrent like stort som gassinnhaldet i Kristin-feltet.

Nytt liv på norsk sokkel

King Lear-funnet går nå inn i Statoil sin konsernstrategi om å skapa nytt liv på norsk sokkel.

• Les òg: – Nordsjøen er hot, ennå

– King Lear ligg omkring 20 kilometer nord for Ekofisk-feltet. Det er oppmuntrande å sjå at det framleis kan bli gjort store funn på den mest modne delen av norsk sokkel, like i nærleiken av der det første drivverdige oljefunnet i Norge blei gjort, seier Haatvedt.

– Dette styrkar trua vår på leitepotensialet på norsk sokkel. Ikkje berre har norsk sokkel ei stolt fortid, men også ei spanande framtid, legg ho til.