– Litt skummelt, seier elevane på ungdomsskulen på Heistad.
– Hvor mange av dere har tenkt å benytte stemmeretten ? spør ordføraren, og dei aller fleste rekkjer hendene i været.
I Longyarbyen på Svalbard og i 20 kommunar her i landet kan 16- og 17 åringar stemme til hausten. Dette er ei prøveordning som blei kjempa gjennom av det kommunale ungdomsutvalet i Porsgrunn, og ordførar Øystein Beyer dreg no rundt og informerer på skulane for å få så mange av dei unge til vallokalet.
I alt ni skulebesøk skal ordføraren gjennomføre, og det hjelper å ha bakgrunn som lærar.
Mange vil bruke stemmeretten
I Porsgrunn er det 872 16- og 17 åringar som kan stemme til hausten. Viss mange gjer alvor av det, kan ungdommane avgjere kven som får makta, for marginane er små.
Ungdommane er så mange at dei kan avgjere 2-3 mandater i bystyret, og det kan bli utslagsgjevande. Og skal me tru elevane på Heistad, er det mange som har tenkt seg til næraste stemmeurne.
16- og 17-åringane kan berre stemme ved kommunevalet, ikkje ved fylkestingsvalet.
Veit litt meir
– I og med at ordføraren kommer ut, så vet vi litt meir, seier Jon Erik Jensen.
Han får støtte av medelevane som også synest det er bra at ordføraren kjem ut til skulen, og lærer dei både litt om kva dei styrer med politisk, og om korleis ein stemmer reint praktisk.
– Det er den kvite stemmesetelen som gjeld, avsluttar ordføraren.
