39 personer fekk i 2009 innvilga sin søknad om å spreie oska for vinden i Buskerud etter sin død.
Og det er i Hol dei fleste av desse vil ha si siste kvile. Det fortel Linda Mary Ask hjå Fylkesmannen i Buskerud.
Les også:
Kjem frå Oslo
Det er likevel ikkje holingane sjølve som har dette som sitt siste ønskje. Fleire kjem frå Osloområdet, til og med utanlandske statsborgarar søkte i fjor om dette.
Det er Fylkesmannen som handsamar søknader om oskespreiing. Vilkåra for å få godkjenning for dette, er at området det blir søkt om, er aude høgfjells- eller skogsområder samt ope hav.
Det er området nord for Hallingskarvet som er mest populært i Hol.
Ordfører i Hol, Erik Kaupang, trur dette fyrst og fremst dreiar seg om hytteeigarar, og synest det er hyggeleg.
- Dersom dei ønskjer å ha sin siste kvilestad i Hol, betyr vel det at dei har hatt eit nært forhold til kommunen vår, og det synest eg er flott.