- Det er problem med hengedekket på ferja Svanøy, og difor går ikkje ferja med full kapasitet, seier Tore Tysse, vakthavande ved vegtrafikksentralen.
Ein time å vente
Dermed vert fredagskøen ekstra lang i dag.
- Det er vanlegvis mykje trafikk på fredagane, men i dag er det ekstra. Det er på Oppedalsida det har danna seg kø, forklarer Tysse.
Det er vanlegvis ferja Gloppen som går mellom Lavik og Oppedal, men no er den på verkstad og Svanøy vart sett inn som erstattar.
Mindre kapasitet
Den har også noko mindre kapasitet.
- Vi håpar det vil roe seg ganske snart. Men folk må bu seg på å vente i opp mot ein time, seier Tysse.