Ulukka skjedde på ein dimmefest i Målselv Fjellandsby seint fredag kveld. 21-åringen ramla ut av eit vindauge i tredje etasje – eit fall på mellom åtte og ti meter ifølgje politiet.
- LES OGSÅ:
- Miljøet er sterkt prega
Politiet fekk melding om den tragiske hendinga ved 23.30-tida og både sivilt politi, militærpolitiet, ambulanse og helikopter rykte ut til staden.
Den unge soldaten fekk behandling av ambulansepersonell som kom til staden, men døydde i helikopteret på veg til Universitetssjukehuset Nord-Norge i Tromsø.
seier Hærens informasjonssjef i Nord-Norge at miljøet er sterkt prega av det som har skjedd.
- Det er jo tragisk. Det er heilt forferdeleg. I eit lite miljø som det blir i ein leir som denne, blir alle veldig prega, seier Marianne Øiahals til avisa Nordlys.
- Det ser ut som eit uhell
Den omkomne 21-åringen er frå Sogn og Fjordane og tilhøyrde maskinkompaniet i ingeniørbataljonen på Skjold leir, opplyser forsvaret.
Politiet kan førebels ikkje seie noko om kva som har skjedd i forkant av ulukka.
- Det er gjort undersøkingar på staden, men det er ikkje konkludert med noko. Det kan sjå ut som at det er eit uhell, seier operasjonsleiar Bengt Giæver Johansen til avisa.
Forsvaret sitt stressmeistringsteam har teke hand om dei andre soldatane som var til stade på dimmefesten.