Det var fredag at eit skikkeleg ruskevêr førte til problem for legekontoret i Ytre Bremanger.
Problem med telefon
- Fredag etter stengetid gjorde eit lynnedslag slik at vi mista både telefon og datasystem, seier driftssjef for familie og Helse Anita Brevik i Bremanger kommune.
Sjølv om det sidan måndag har vore folk fysisk tilstades på legesenteret har lynnedslaget bydd på problem, fortel Brevik.
- Det vanlege telefonnummeret har blitt vidarekopla til ein mobiltelefon. Men her vert det veldig fort kø slik at folk opplever at det er vanskeleg å få tak i oss, seier Brevik.
Håpar at ting er i orden til fredag
Legane som er på senteret kan framleis hjelpe folk, men dei har problem med å kome inn på pasientjournalane.
- Vi håpar at ting er i orden i løpet av fredagen, seier Brevik til NRK.no.