– Eg ser ikkje vekk i frå at det kan bli ventetid på delar av ettermiddag og tidleg kveld. Men erfaringsvis er juletrafikken mindre enn i samband med andre høgtider, seier Torbjørn Vik i Fjord1.
- Men folk som skal ut og reise i morgon, må rekne med ventetider, stadfestar han.
Lavik - Oppedal kan bli flaskehals
Sidan julehelga i år har få ekstra fridagar, ser Fjord1 at juletrafikken i sterkare grad enn elles kan bli konsentrert til vesle julaftan.
Ferjesambandet Lavik - Oppedal har ofte vist seg å bli ein flaskehals når trafikken blir stor.
LES OGSÅ:
Men: Fjord1 har ingen planar om å setje inn ekstra ferje på det utsette sambandet.
Ekstra ferje kostar mykje pengar
I dagens system må Statens vegvesen inn og betale ekstra, dersom det skal setjast inn ekstraferjer ved behov.
- Vi har ikkje budsjettert med ekstra ferjemateriell. Det kostar relativt mykje pengar, og ferjemateriellet må også vere disponibelt - saman med mannskapet, seier rådgjevar Lise Olsmo i Vegvesenet.
