- Når det lir litt ut på kvelden plar vi berre å buse rett inn. Eg seier til mannfolka at eg har sett så mange små frå før at det ikkje gjer noko, ler Turid Liv Kråkenes.
Jennifer Cox i gang med reingjering.
Foto: Sander Heggheim/NRKDrittjobb?
Saman med tolv andre har ho ansvaret for at alle toalett, dusjar og skular som vert brukte er reine og fine.
- Vi startar klokka seks om morningen kvar dag, og sluttar i tolv-eitt tida om natta, seier ho.
- Er ikkje dette ein drittjobb?
- Vi kan ikkje gå rundt å tenke slik. Vi har fått mykje ros for at det er reint og fint. Det hjelper på motivasjonen, seier Kråkenes.
Ingen menn
Av dei tolv vaskehjelpene er det ingen mannfolk.
- Det skal gjerast skikkeleg, og då nyttar det ikkje med mannfolk, ler Jennifer Cax.
Men dei vedgår at det ikkje alltid er like kjekt å vaske skitne toalett.
Stolte av Måløy
- Nei, på kveldstid når klokka nærmar seg ti er det ikkje noko særleg. Då kan det vere veldig skittent, seier Kråkenes.
- Vi er så stolte over byen vår at vi kan gjere kva som helst. Dette er ingenting, smiler dei før dei må halde fram med vaskinga.