- Vi merkar sjølvsagt at det er mykje meir folk her enn elles, seier Liz Cathrin Johnsen som er butikkmedarbeidar ved Eurosko i Måløy.
Dobbel bemanning
Dei har merka at tusenvis av sjøfolk og andre har innteke Måløy. Dei har sett inn ekstra mannskap for å kunne ta unna alle kundane.
- Vi har dobbel bemanning under Tall Ships Races, seier ho.
Og sjølv om det til tider kan bli svært hektiske dagar under arrangementet, seier ho at det er kjekt.
- Fantastisk
- Her er alltid noko å gjere, det er mykje kjekkare å vere på jobb når det er noko å gjere, smiler ho.
Sjølv meiner ho at det er fantastisk stemning i Måløy.
- Veret, stemninga og folkemengda er heilt fantastisk. Eg er sikker på at dette vil vere med på å fremje Måløy som turistmål i framtida, seier ho.