Det syner utrekningar frå Jernbaneverket.
- Ved å byggja fleire kryssingsspor, fleire plattformer og gjera linjene betre, så vil me kunne få reisetida ned i under fem timar, seier regiondirektør i Jernbaneverket, Lars Christian Stendal.
Det vert no vurdert å byggje ny bane for lyntog, men Jernbaneverket meiner ei investering på mellom 16 og 30 milliardar kroner vil kunne få langt fleire til å reisa med dagens bane.
- Ringeriksbanen gir fleire passasjerar
Jernbaneverket har stor tru på planane om Ringeriksbanen, ei ny linje mellom Sandvika og Hønefoss, som vil gjera Bergensbanen omlag 60 kilometer kortare enn ho er i dag. I 1992 vedtok Stortinget at banen skulle stå ferdig i 2001. Dei siste planane går ut på at banen skal vera på plass om ti år.
- Ringeriksbanen vil auka passasjertalet med mellom 40 og 45 prosent, seier Stendal.
Meir pengar på vedlikehald
Dei siste tre åra har vedlikehaldsbudsjettet på Bergensbana blitt mangedobla, og investeringa ser ut til å hjelpa.
- Frå 2008 og til i dag har me bortimot halvert timar med forseinkingar på Bergensbanen på grunn av feil i infrastrukturen. Me har ei god utvikling, seier Øystein Njåstad, prosjektleiar for vedlikehald av Bergensbanen.