Det var i haust at fleire titals sjøaure vart funnen flytande i med buken i vêret i
Matreelva i Masfjorden kommune.
No er den oppsiktsvekkjande dødsårsaka klar.
Fann mykje daud fisk
Det var i slutten av oktober at ein gjeng på sauesanking kom over fisken, oppe ved ein liten kraftstasjon.
- Det var mest småfisk vi fann, både elveaure og sjøaure, men det var såpass mange daude fiskar at eg tok kontakt med fiskeforvaltar Atle Kambestad hjå Fylkesmannen i Hordaland, seier Arnold Matre til
.
Og forklaring frå Fylkesmannen fekk dei.
Dykkarsjuke
Fisken måtte nemleg bøta med livet grunna dukkarsjuke. Det vesle kraftverket ved sida av elva skapar ei overmetting av gass i vatnet.
Dette skuldast i følgje forskarane ved Uni Miljø at rista der vatn vert suge inn i kraftverket, enkelte gongar har gått tett. Når dette har skjedd har luft vorte suge inn saman med vatnet. Den ekstra lufta har ført til gassovermettinga i vatnet.
Når fisken får denne gassen i blodet oppstår tilstanden tilnærma dykkarsjuke, skriv avisa.
Av dei beste elvene i Hordaland
BKK lovar no å syta for å halda rista ved vassinntaket rein.
Matreelva er ei svært populær fiskeelv og var den beste i heile Hordaland i 2008.