– Eg er minst like glad som vinnaren Anders Aukland. Det var heilt fantastisk å få til dette etter ein trøblete sesong, birken har vore det store målet, og så vart det pallen, gitt.
Det var ein svært tilfreds Roger Aa Djupvik som staka seg i mål på andreplass i årets birkebeinerrenn, knappe halvminuttet bak vinnaren.
To på pallen
Espen Harald Bjerke klarte endeleg å ta ein pallplass på heimebane.
Foto: NRKSogningen bur og går for Lillehammer, og det vart ein stor dag for klubben da Espen Harald Bjerke tok den siste plassen på pallen.
– Vi hadde planar om å vere offensive og prøve oss i bakkane, men eg fekk ikkje luka som eg trengde. Målet har vore topp tre i birken, og det er eg godt tilfreds med å klare. Eg var dessverre for dårleg nedover til å kjempe om sigeren, sa Bjerke etter målgang.
Djupvik har tidlegare vore på landslaget i langrenn, og det er fyrst i år han har starta satsinga på langløp.
– Å vere to på pallen på heimebane er stort. Eg merka undervegs at eg hadde gode ski og var greitt med dei beste, og eg er strålande tilfreds med å klare andreplassen.
