Fylkeskommunen og kommunane tilbyr ei orsaking på opp til 725 000 kroner til tidlegare barneheimsborn. Det kan gå hardt ut over kommunar som allereie slit med trong økonomi.
- Vi kjenner til kommunar som har måtte ta opp lån for å kunne betale ut desse oppreisingssummane, seier Kai Stene i Prosjekt Oppreisning.
- LES OGSÅ:
- Små summar for dei råka
Frå 1. januar i år opna kommunane for at dei som har vorte utsette for overgrep og omsorgssvikt når dei var i offentleg omsorg, kan søkje om oppreising.
Etter at dei fem første søknadane er handsama må kommunane i fylket ut med 3,5 millionar kroner. Den høgste oppreisingssummen er 725 000 kroner.
For dei som opplevde å bli svikta av offentlege omsorgsinstitusjonar er summane små.
- Kva er 700 000 tusen kroner for eit øydelagd liv? Eg er ikkje i jobb, eg er uføretrygda, og eg klarer ikkje fungere normalt, fortel ei av kvinnene som har søkt erstatning til NRK.
- LES OGSÅ:
- LES OGSÅ:
(Artikkelen held fram under biletet)
- Mange skjebnar
Arvid Mellingen er utnemnd som leiar av det uavhengige oppreisingsutvalet, og har allereie handsama fem søknadar.
- Det er veldig mange tragiske skjebnar, det må eg seier, seier Mellingen.
- LES OGSÅ:
Vågsøy må betale 2,2 millionar
Av dei 3,5 millionar kronene som skal betalast i oppreising til dei fem søkjarane, skal Vågsøy kommune betale over halvparten.
Den allereie sårbare økonomien har fått ei rekning på 2,2 millionar kroner.
- Det er mykje, og det er heilt klart ein god del av vårt budsjett, seier rådmann Svanhild Mosebakken.
Førebels har kommunen ikkje sett av pengar.
- Dette er pengar vi må finne på budsjettet. Så vi må ta ein gjennomgang for å sjå kor vi skal finne dei, seier Mosebakken.
(Artikkelen held fram under biletet)
Trur det vil kome 100 søknader
Kai Stene i Prosjekt Oppreising seier mange kommunar må opp lån for å klare å betale oppreisning.
- Dette er svært alvorlege saker, så det skal vere slik at det kjennest på økonomien at det kostar, seier Stene til NRK.
Til no har 12 personar søkt om oppreising i Sogn og Fjordane, men Stene seier kommunane må førebu seg på at det vil kome mange fleire.
- Eg trur vi vil kome opp i 100 søknadar før 2013.