– Mange fly står der dei ikkje skal stå. Det er eit stort puslespel som må gå opp for at vi skal vere oppe og gå igjen, seier informasjonssjef Lasse Sandaker-Nielsen i Norwegian.
Han seier det vil ta tid å «posisjonere» alle flya dersom partane blir samde:
– Det vil uansett ta fleire dagar før alle flya er i gang igjen, seier han til NRK.
Varslar fleire permitteringar
Over 16 timar i mekling hos Riksmeklaren førte ikkje fram fredag og natt til laurdag. Partane klarte rett og slett ikkje å bli samde, sjølv om begge partar letta på krava.
Gjennom helga har partane halde fram forhandlingane, utan Riksmeklaren til stades. Forhandlingane starta opp att ved 16-tida laurdag.
Rundt 700 pilotar er i streik, og rundt 1000 Norwegian-tilsette er permitterte som ein konsekvens av streiken.
Ifølgje informasjonssjefen i Norwegian er også fleire hundre tilsette i tilstøytande næringar, i 13 ulike byar, permittert grunna streiken.
- LES OGSÅ:
Dersom partane ikkje blir samde innan rimeleg tid, varslar Norwegian-leiinga fleire permitteringar:
– Fleire vil bli permittert dersom det ikkje blir ei løysing i konflikten. Pilot-streiken har ført til at nærare 1000 tilsette er permitterte, og det kan bli fleire hundre til dersom det ikkje blir semje snart. Streiken har store konsekvensar, seier Sandaker-Nielsen til NRK.
I tillegg er mange tilsette i andre selskap som leverer tenester til Norwegian, permitterte grunna streiken som no har pågått i åtte dagar.
- LES OGSÅ:
- LES OGSÅ:
Kjelder til NRK: – 18-19-tida er eit kritisk tidspunkt
Kjelder nære Norwegian-forhandlingane seier til NRK at partane må bli samde tidleg i kveld for at det skal vere håp for morgondagen. 18-19-tida i kveld skal vere eit kritisk tidspunkt, ifølgje NRK sine kjelder, og ein jobbar for ei løysing før dette. Ved 20-tida søndag kveld hadde partane framleis ikkje kome til semje.
Held forhandlingane fram utover kvelden, ser det svart ut for Norwegian også i morgon, ifølgje NRKs opplysningar.
Sandaker-Nielsen seier han ikkje kan kommentere dette:
– Det er mange x-faktorar som speler inn, så det er vanskeleg å kommentere eit eksakt tidspunkt. Vi ønskjer ei løsyng så fort som mogleg. Jo tidlegare, dess betre, seier Sandaker-Nielsen.
– Dersom det blir semje i ettermiddag eller kveld, vil ein byrje å fly igjen allereie i kveld?
– Det er vanskeleg å sei. Vi vil starte å fly igjen så snart som råd, men som sagt: Det vil ta dagar før vi er hundre prosent i rute, svarar informasjonssjefen.
- LES OGSÅ:
Administrerende direktør Kristin Skogen Lund i NHO mener Parat tyner Norwegian i en veldig presset situasjon.
