Leif Sande er fagforeiningsleiar for 61 000 medlemmer i Industri Energi og var ikkje i tvil om at han måtte reise til Kristiansund under årets 1. mai-markering. Invitasjonen kom frå den lokale tillitsvalde Bengt Eriksson og utløyste rask respons.
– Då Bengt ringde var eg ikkje i tvil om kvar eg ville vere 1. mai. Det måtte bli i Kristiansund, saman med dykk, sa Sande under talen sin søndag ettermiddag, og la til at han visste det hadde vore søvnlause netter og jobbing natt og dag.
Les også:
Flyttar til Sverige
Mange deltok i 1. mai-markeringa i Kristiansund søndag.
Foto: Heine SchjølbergTidlegare denne veka blei det klart at Orkla flyttar produksjonen ved Ello-fabrikken til Sverige, og dermed misser omlag 60 tilsette arbeidet. Det skapte tårer og fortviling, spesielt blant dei mange i 50- og 60-åra som fryktar det blir uråd å få nytt arbeid.
– Den høge arbeidsløysa gjer at det blir knallhardt for lokalsamfunnet å handtere nedlegginga av Ello, sa Sande, og la ironisk til at dette var takka til dei som har arbeidd knallhardt for Orkla.
Langt tog i Molde
Fellesforbundet seier det ikkje har vore så langt tog i Molde på fleire år. Her er streikande i hotell-og restaurantbransjen i gule Vestar.
Foto: FellesforbundetI Molde var det ifølgje Fellesforbundet ekstra langt tog i år på grunn av streiken blant hotell- og restaurantarbeidarane. Streiken blei trappa opp laurdag, og nesten 400 er no i streik i Møre og Romsdal.
– I Molde har det ikkje vore på langt tog på fire-fem år, seier leiar i Fellesforbundet for Nordmøre og Romsdal, seier Cecilie Søllesvik.
Stortingsrepresentant Martin Kolberg var hovudtalar i Molde og i Eide. I Ålesund var Øyvind T. Hansen i LO hovudtalar.
