– Ei kvinne på 21 år på Frekhaug i Meland kommune observerte ein mann utanfor vindauget som stod og onanerte, seier Kjersti Eidsnes som er operasjonsleiar i Hordaland politidistrikt til NRK like etter klokka 22.10.
– Ho var ute og snakka til han, og sa ho kom til å ringe til politiet, men mannen verken svarte eller flytta på seg, så ho gjekk inn att og kontakta politiet, seier ho.
Meldinga kom klokka 21.50, og kvinna skal ha vore åleine i bustaden.
Arrestert kort tid etter
Mannen stod utanfor vindauget til meldar ei god stund under den samtalen politiet hadde med meldar.
– På slutten av samtalen gjekk mannen ut av hagen, og då hadde me fleire einheitar som leita etter mannen, seier operasjonsleiar Eidsnes til NRK.
22.08 arresterte ein patrulje ein mistenkt.
Meldar blei tatt hand om av patrulje på staden.
– Har gjort liknande før
Mannen som er i 50-åra vart tatt inn til avhøyr, og politiet vurderte så om det var grunnlag for å sette mannen i varetekt i natt.
– Jourhavande vurderte det slik at mannen skulle bli sett i varetekt, seier Bjarte Rebnord klokka 23.00.
– Mannen som vart arrestert vart arrestert for tilsvarande tilfelle i går, i Bergen sentrum, seier han.
Det blir oppretta sak.