Dermed er det skote til saman fire jervar i den ekstraordinære jakta som direktoratet
.- Den eine vart teken ut i fjellområda mellom Lærdal og Årdal, den andre vart teken ut i Fortunsdalen i Luster kommune, opplyser Rein Arne Golf i SNO.
Måndag felte SNO
.Utvida løyvet
Sjølve jakta har skjedd frå helikopter. Løyvet var i utgangspunktet på tre jervar, men vart i går utvida med ein etter nye observasjonar.
At det er skote fire jervar i løpet av tre dagar meiner saubonde Erling Offerdal viser at dei hadde rett då dei i fjor hevda det var meir i jerv i området enn styresmaktane ville vedkjenne seg.
- Såg berre åtte
- Eigentleg burde dei høyrt på oss då, i staden for at ein måtte tole ganske store smertefulle tap for einskilde brukarar i ein del område, seier han. Statens Naturoppsyn held fast på at dei ikkje kunne identifisere meir enn åtte jervar i fjor.
- Det er jervar som går både i Sogn og Fjordane, Oppland og naboregionane, seier Golf.
Fleire kan bli skotne
Golf seier dei også har dokumentasjon på at det skal vere ei ynglande tispe i området, og at det også kan bli gitt fellingsløyve for den. Offerdal vonar at fleire jervar blir skotne.
- Vi veit det er ein god del jerv. Det er kanskje ikkje så farleg om dei hadde teke eit par til når dei først er i gang, seier han.