– Eit vogntog køyrde seg fast mellom Selseng og Frudalstunnelen i ettermiddag. Bilberging klarte å få vogntoget laust like før klokka 19, opplyser vakthavande ved Sogn og Fjordane politidistrikt, Per Rimmen.
Politiet fekk melding om hendinga like før klokka 17. Det er førebels uklart kva som skal ha skjedd, men det er sterkt snødrev på staden.
Køyrde på parkert buss
Omtrent samstundes fekk politiet melding om at ein personbil hadde køyrt inn i ein parkert buss i Fortun i Luster kommune.
– Det skal ha vore snakk om låg fast. Bilen skal også vere i køyrbar stand. Men ein person er komen lettare til skade, seier Rimmen.