- Jobben vi gjer får ingen verdi så lenge det vert fiska laks i det vi kallar Slug-Osen, seier Henrik Kristoffer Løland i Høyanger Jakt og fiskelag, HGFL, til NRK Sogn og Fjordane.
Lovleg fiske
Det frie fisket medlemmene i laget reagerer på skjer i området der vatnet frå Statkraft sin kraftstasjon kjem ut i inst i Høyangerfjorden. Området vert kalla Slug-Osen.
Til avisa seier Tina Bruaas at dei oppmodar alle som fiskar i dette området om å slutte med det, sjølv om det er fullt lovleg.
- Vi veit at det reint juridisk er lov å driv fiske i Slug-Osen, men vi kallar det rovfiske. Dei som fiskar der tek omlag 70 prosent av all laksen som er her. Då vert det ikkje mykje vits for oss å prøve å få opp bestaden, seier Løland.
Mykje arbeid
For jeger og fiskarlaget har lagt ned mykje arbeid i Daleelva for at sjøaure og laksestammane skal vekse på eit berekraftig nivå.
HJFL oppmodar alle som fiskar i området til å slutte med det, og heller bli med Jakt og fiskelaget i arbeidet dei driv i Daleelva.
Vil ha regelendring
- Eg forstår ikkje kvifor det er ope for fritt fiske i dette området når styresmaktene elles er strenge på fiske etter desse fiskesortane. Det heng ikkje på greip og er svært provoseraned, seier Løland.
Dei har skrive brev til Fylkesmannen for å få ein slutt på det lovlege fisket, men regelverket er ikkje endra.
- Eg forstår at det tek tid å endre lover, men dette kan ikkje halde fram slik det gjer i dag. Då er det ikkje meir fisk her om ei stund. Vi vil ha ei lovendring og gjev oss ikkje med denne kampen, seier Løland.