– Sjølvsagt er eg skuffa, men det var ikkje uventa at dette var resultatet, seier Vik-trenar Jarle Christensen til NRK.no.
Måndag ettermiddag fekk han den sure beskjeden om at NFF har avvist anken frå Radøy/Manger FK. Etter at dei ikkje makta stille lag til bortemøtet med Årdal FK sist helg, vedtok Hordaland fotballkrins å ekskludere dei frå vidare spel i divisjonen. Saka vart anka til Norges Fotballforbund, og i dag kom beskjeden om at anken var forkasta.
- LES OGSÅ:
Utkastinga av Radøy/Manger får store konsekvensar for laget i botn av tabellen, der både Vik og Sotra mister seks poeng. Christensen og klubben håpa i det lengste at saka skulle kunne løysast på ein anna måte, og legg ikkje skjul på at situasjonen er svært fortvilande for dei.
– Det er fortvilande for meg og alle dei på laget som legg ned mykje tid og krefter i dette. Vi ser på fotballen som veldig viktig, og då er det fortvilande å kome så dårleg ut når vi er ein uskuldig tredjepart i dette, seier Vik-trenaren til NRK.no.
– Vi blir sitjande att som svarteper, seier han tydeleg skuffa.
- LES OGSÅ:
- LES OGSÅ:
Likevel meiner han det er viktig å ikkje gje opp å berge plassen i divisjonen heilt enno.
– Vi må berre akseptere dette, og gjere så godt vi kan resten av sesongen og få nok poeng til å klare oss, seier Christensen.