- Årsmøtet bør vurdere å avlaste vår kjære ordførar, og om han bør halde fram i verva som både partileiar og ordførar, seier Knut O. Aarethun.
- Må ta slikt på alvor
Den tidlegare fylkesordføraren og ordføraren i Lærdal likar dårleg medieoppslaga dei siste dagane. Der blir Lærdal-ordførar Arne Sanden skulda for svært dårleg personalbehandling:
Både rådmannen og den tidlegare pleie- og omsorgsleiaren skal ha vorte truga til å seie opp stillingane sine. Rådmannen er for tida sjukmeld.
- LES MEIR:
- LES OGSÅ:
- Det vil vere fornuftig nåde for partiet og partileiinga sin del. Når det dukkar opp så mykje spetakkel, må ein ta det på alvor, seier Aarethun.
- Fleire vurderer å melde seg ut
Partiveteranen meiner situasjonen no er så alvorleg, at fleire vurderer å melde seg ut av lokalpartiet. Han viser til at han i kontakt med folk oppfattar at mange er opprørde over det som skjer rundt ordføraren.
- Og kva meiner du?
- Eg meiner at det av og til er fornuftig at desse rollane blir adskilde.
- Og i dette tilfellet er det det?
- Ja.
- LES OGSÅ:
Vil ikkje kommentere saka
- Eg har sjølv laga rabalder då eg sat i ordførarstolen, og skal difor passe kjeften min. Men uansett er ikkje slike ting heldige for personane som er involverte - og spesielt ikkje for partiet, seier Aarethun.
- Kan du sjølv tenkje deg å vere leiar i lokallaget?
- Det skal eg svare på den dagen eg blir spurd. Dersom eg blir spurd.
Ordførar Arne Sanden ønskjer ikkje å kommentere saka overfor NRK.