Mannen var på fjelltur i området ved Fuglesteg i Fortun i Luster saman med fleire andre torsdag. Han bestemte seg for å gå ned att åleine, men då han ikkje var komen tilbake vart han meld sakna klokka 21.30 i går kveld.
- LES OGSÅ:
Mannskap frå både Røde Kors, Norske Redningshunder, politi, luftambulanse, Jostedalen alpine redningsgruppe og Sivilforsvaret er involvert i leiteaksjonen.
No ventar politiet på eit nytt verktøy i søket etter mannen.
– Politiet ventar at eit Seaking-helikopter skal kome med eit varmesøkjande kamera. Då vil dei forhåpentlegvis få leita på ein litt betre måte, seier NRK-reporter Stine Kyrkjebø Johansen som er på staden.
Det er venta at helikopteret vil kome til søksområdet ved 11.30-tida.
Ikkje signal på mobilen
Mellom 30 og 40 personar er no ute i terrenget og leitar etter mannen. Søksområdet er vanskeleg med mykje bratt og ulendt terreng. Det er også tett vegetasjon i området og det har difor vore vanskeleg for mannskapa i luftambulansen å sjå noko frå lufta.
Politiet har også gjort forsøk på å spore opp mobiltelefonen til engelskmannen, utan hell. Dette betyr at den truleg er slått av.
NRK oppdaterer saka