E39 Eidsvågtunnelen nord for Bergen er no open for normal trafikk, melder Statens vegvesen. Tunnelen var stengt inn mot Bergen lenger enn planlagt på grunn av problem med ein lift i tunnelen.
– Må rydde opp i sperringane
Havariet skjedde under nattearbeid i tunnelen i natt.
– Det er ganske mykje kø rundt Eidsvågneset og Ervikveien. Det blir nok meir kø enn normalt i dag, for vegen er sperra heilt tilbake til Åsane, og me må få rydde opp sperringane før vegen kan opne heilt, sa vaktoperatør i Statens vegvesen Stian Rosnes, tysdag morgon.
Like etter halv ni opplyser vegtrafikksentralen om at det framleis er tett trafikk inn mot Bergen sentrum.
– Det er mykje trafikk i dag, og går litt saktare enn vanleg, men det glir unna, seier vaktoperatør Idar Sangolt.