Det var kome inn i alt åtte anbod på drift av strekninga. Fleire ferjeselskap hadde lagt inn ulike alternativ.
Med overskot
Men no har Vegdirektoratet altså forkasta alle anbod. Grunnen er at strekninga ikkje kan gå med overskot, seier regionvegsjef Ole Christian Torp.
Det var Fylkesbaatane i Sogn og Fjordane som leverte det billigaste anbodet på den trafikkerte ferjestrekninga inst i Sognefjorden. Ja, det billigaste anbodet var prisa så lågt at Florø-selskapet ville betale for å få frakte folk og bilar over fjorden. Torp seier at juridiske vurderingar har konkludert med at det er usikkert om Statens Vegvesen har løyve til å dele ut anbod mot betaling.
Stig Kristoffersen er overraska. Arkiv NRK.
Overraska
Det er også Fylkesbaatane som driv ferjesambandet i dag. Administrerande direktør Stig Kristoffersen i Fjord1-selskapet er overraska over avgjerda til Vegdirektoratet.
Kristoffersen vil førebels ikkje kommentere saka meir avdi han ikkje kjenner grunnlaget for vedtaket. Han meiner deira tilbod var ei god løysing for staten.