Søndag kom vinteren for alvor. Fleire stader var det mange som fekk problem langs vegane fordi dei ikkje hadde skifta til vinterdekk.
- LES OGSÅ:
Måndag morgon er det framleis snødekke på fjellovergangane, og det er på ingen måte nokon god ide å ferdast her med sommardekk.
Etter å ha vore nattestengt kunne ein i dag tidleg ikkje opne vegen over Sognefjellet. Her var det uvêr.
Like over klokka 13 melder Statens vegvesen at Sognefjellet er ope.
Slik er det på vegane:
- E16 Filefjell: Vekslande isdekke, bart og vått. Klokka 06:00 var det 1 grad, laber bris og lett snø.
- Riksveg 13 Vikafjellet: Bart og vått. Klokka 06:00 var det 2 grader, laber bris og lett regn.
- Riksveg 15 Strynefjellet: Vekslande snø- og isdekke, somme stader bart. Klokka 06:00 var det 1 grad, svak vind og lette snøbyer.
- Riksveg 52 Hemsedalsfjellet: Vekslande isdekke, bart og vått. Klokka 06:00 var det 2 grader, frisk bris og snøbyer.
- Fylkesveg 50 Hol-Aurland: Vekslande snødekke og bart. Klokka 06:00 var det -1 grad, lett bris og snøbyer.
- Fylkesveg 55 Sognefjellet: Stengt på grunn av uvêr.
- Fylkesveg 243 mellom Aurland og Erdal er også stengd grunna uvêr.
- Fylkesveg 258 Gamle Strynefjellsvegen er stengd grunna uvêr.
Vegtrafikksentralen melder også om fare for snøslaps på riksveg 5 i Sogndalsdalen. Her var det bart tidleg måndag morgon, men ved 08.30-tida skal det ha kome nokre snøbyer som har lagt seg i vegbana.